Институтот за човекови права за потребите на спроведување на своите активности објавува оглас за позицијата програмски менаџер на определено време (замена на вработена која е на породилно отсуство).
Работните задачи и одговорности на програмскиот менаџер/ка-правник/чка:
- професионално, навремено, совесно и одговорно спроведување на проектните активности со цел постигнување на предвидените резултати (анализа и подготовка на правни документи,
- организирање состаноци од помал и поголем обем, јавни настани, кампањи, поддршка на правни професионалци во работа на индивидуални случаи во постапки пред институциите, истражување на правни проблеми/прашања, изработка на извештаи за спроведените активности, постигнатите цели и сл.);
- секојдневна посветена соработка со останатите членови на проектниот тим и со сите членови на управните и извршните органи на ИЧП;
- извршување на други задачи во согласност со потребите на ИЧП.
Потребни квалификации
- Завршен Правен факултет (300 ЕКТС кредити или завршено VII/1 ниво високо образование на правни студии);
- Работно искуство од најмалку 8 години со работа во невладини и/или меѓународни организации со посебно познавање на ЕУ проекти од областа на човековите права и/или судството;
- Одлично познавање на пишан и говорен англиски јазик;
- Уредност, темелност и подготвеност за тимска работа;
- Организациски и комуникациски вештини;
- Флексибилност за тимска работа во динамична средина, работа во и надвор од канцеларија, подготвеност за комуницирање со различни целни групи и со високо ниво на толеранција и разбирање на различностите;
- Положен правосуден испит ќе се смета за предност.
Постапка за пријавување и избор
Сите заинтересирани се повикуваат да достават CV – кратка биографија на македонски или англиски јазик и мотивациско писмо во електронска форма на ihr@ihr.org.mk најдоцна до 27.02.2023 година до 14:00 часот, со наслов: ОГЛАС ЗА ВРАБОТУВАЊЕ на определено време.
Постапка за избор на кандидат/ка:
Комисијата за избор на кандидат/ка ќе ги разгледа примените апликации. Ненавремени и нецелосни апликации нема да бидат земени предвид. Нај квалификуваните кандидати/ки ќе бидат повикани на интервју најдоцна до 28.02.2023. Врз основа на резултатите од спроведеното интервју ќе биде избран кандидатот.
Со избраниот кандидат/ка ќе се склучи договор за вработување на определено време од 8 месеци, односно до враќање на вработената од породилно отсуство. Работното време ќе изнесува 32 часа неделно, од понеделник до четврток од 10:00 до 16:30 часот.
Работното место е во седиштето на Институтот за човекови права на ул. „Партизански одреди“ бр. 23/1-5, Скопје.