Настанот имаше за цел да го разгледа напредокот и предизвиците со кои се соочува Судскиот совет на Република Северна Македонија во спроведувањето на препораките од Оценската мисија на ЕУ, една година по нивното објавување. Главните теми на дискусија беа предложените измени на Законот за Судскиот совет, практичните предизвици во обезбедување на судската независност и непристрасност, како и начини за надминување на овие пречки со цел зголемување на довербата на јавноста во судството.
Теми на дискусија:
Говорници на настанот беа г. Игор Филков - Министер за правда, г-ѓа. Весна Дамева-Претседателка на Судскиот совет, г-ѓа. Беса Адеми-Претседателка на Врховниот, г. Иван Џолев-Претседател на здружение на судии, г-ѓа. Маргарита Цаца Николовска-Претседателка на ИЧП и г-ѓа. Јелена Кадриќ -Извршна директорка на ИЧП.
Учесници на настанот беа членови на Судскиот совет, судии, адвокати и други правни професионалци, претставници на амбасади, меѓународни организации и граѓанскиот сектор.
Исто така на настанот се дискутираше за придобивките и предизвиците во спроведувањето на препораките од ЕУ, како и перспективите за следните чекори во обезбедувањето на судската независност. Учесниците ги споделија своите ставови, искуства и предложија понатамошни активности за поддршка на независното судство.