Институтот за човекови права, во рамките на проектот „Иницијатива за административна социјална правда“, финансиски поддржан од Европска унија во рамки на ИПА-ЕИДХР програмата за човекови права и демократија (EuropeAid/180645/DD/ACT/MK), објавува повик за доделување грантови за граѓански организации (ГО). Грантовите се доделуваат со цел унапредување на пристапот до социјална и административна правда за ранливи и маргинализирани групи на локално ниво.
Во рамките на овој повик ќе се доделат најмалку 3 мали грантови, со максимален износ од 4.000 евра по грант. Вкупниот износ на повикот изнесува до 12.000 евра.
Целта на овој повик е да се обезбеди поддршка за граѓански организации кои работат директно со маргинализирани и ранливи заедници, со цел унапредување на пристапот до социјална и административна правда; зајакнување на капацитетите на локалните ГО за обезбедување услуги; подобрување на информираноста и остварувањето на правата на граѓаните во постапките пред институциите. На повикот особено се охрабруваат да се пријават помали локални организации надвор од Скопје.
Од заинтересираните ГО се очекува да поднесат проектни апликации со јасно дефинирани и иновативни акции насочени кон унапредување на социјалната и административната правда. Предложените активности треба да се однесуваат на една или повеќе од следните тематски области:
- обезбедување бесплатна правна помош и правно советување особено во област на социјални права;
- поддршка на граѓани во административни постапки;
- активности за информирање на заедниците за нивните права;
- едукативни работилници и теренска работа со ранливи групи;
- локални иницијативи за подобрување на административните услуги;
- активности за застапување и подигање на јавната свест;
- активности насочени кон жени, лица со попреченост, Роми, социјално загрозени лица, жртви на дискриминација и други ранливи групи.
Спроведувањето на акциите треба да трае од 4 (четири) до 6 (шест) месеци. Проектите може да започнат најрано во април 2026 година, а мора да завршат најдоцна до октомври 2026 година.
Обрасците треба да бидат пополнети електронски. Рачно пишувани апликации нема да бидат земени предвид.
Целосната апликација (Образецот за пријавување [Прилог 1], Образец за предлог – буџет [Прилог 2], тековна состојба од Централен регистар и кратки биографии на клучниот персонал кој ќе биде вклучен во реализацијата на проектот) треба да биде испратена по мејл на vesna.stefanovska@ihr.org.mk и marija.chekredji@ihr.org.mk.
Сите апликации кои ќе пристигнат по истекувањето на рокот за пријавување нема да бидат земени предвид.
Сите прашања во врска со повикот треба да се испратат исклучиво преку е-пошта на: vesna.stefanovska@ihr.org.mk или marija.chekredji@ihr.org.mk, најдоцна до 9 март 2026 година.
Подетални информации за Повикот за граѓански организации може да најдете во овој документ: Повик за доделување на грантови-ИЧП 2026.pdf